HoILuN's Blog

原來我唔想停

2010-09-06T00:44:31+08:00

就快逼死我啦, 呢幾日好多野係個腦閃過.
有個人係導火線, 完全打破晒我 ge 計劃,
令我以前覺得完全無問題 ge 野, 而家全部都變得有問題！
以前我唔想讀書, 但我而家好想讀書！
尋晚本來係玩 ge, 但係黎同事又講一大堆野, 字字鏗鏘, 句句打中我要害.
無錯, 我無得唔認, 我真係唔想停係而家呢刻.

呢個世界就係成日都咁岩,
其實我已經好攰, 但偏偏訓唔著, 屋企人神早去拜山, 跟埋去 lor.
係地鐵站見到「學無涯習天下」,
拜山果陣同 d 親戚講開又講, 講到學業, 真係成個人呆左.
最後, 呀媽一句簡單直接 ge 一句野,
抵佢生得我出, 我堅係雙眼通紅, 但死頂.

明天, 去 SPACE 看看...

「友愛友望」同工籃球賽

2010-08-29T21:14:52+08:00

估唔到今日都幾好玩！
原本長康有 3 位同事... 突然間 2 個都有野做 ~""~
得返我一個人, 又咁近肥軒, 緊係叫埋佢啦.
不出所料, 大家都有得打.

第一場打得幾輕鬆ar, 大抄!!
第二場因為陣中主力受傷退場, 全隊散晒.
真係好唔 "服" lor, 第二輪輸3分..差少少咋..
唉~~~成個暑假為左游水, 波都少左打, 勁廢.
不過...仲有社工盃, 真係可怒也！

如果有 10 個攰, 今天有 7 個.
訓...
希望明天無風無雨..咪阻住大爺帶outing !

健康生活文化同樂日

2010-08-15T21:46:01+08:00

尋日幾難得可以補眠十幾粒鐘, 點知今日又用晒.
今日係一個熱到爆炸的日子,
如果真係繼續爆雨落去, 可以取消!!
不過之後係熱到爆,唔係雨到爆, 乜都攪店晒就開波~
不過人流真係極少, 咪講笑... 幾時都話青衣係一個孤島...
熱到爆又係一個問題...唉~~~~~
我一定要買定好好好多 pack under 放係 locker, 成日唔記得帶!!!
搬野→出汗→下雨→濕→Set野→出汗→打波→出大汗...
成件衫吸完又干, 干完又吸, 幾辛苦, 就係無帶衫去換 lor~

點知冼爺又sms來, 叫我今晚補堂 lor~ = . =
唔去實炸爆我啦. 超唔gur lor~
星期四海基試
星期五水急試
八月 ge 所有野都來得好突然. 因為係暑假！爽~

最後就會攰到扒街.

Redirection

2010-08-13T15:43:05+08:00

今個星期帶一班中二至中四 ge 學生去露營.
好正，個氣氛好正！
有一個好大 ge 足球場, 又有籃球場 !!
中午超曬, 四周圍又靜, 身邊全部都係草, 個天又藍, 又無乜雲, 真係好想訓係果到曬太陽lor~
見到外面 d 學生大無畏咁追住粒波係球場衝呀衝, 想當年我都係咁 ga !!
乜都唔使諗, 只係等 ar sir 叫停, 沖良, 食飯, 訓交,
大家話, 暑假係咪真係好爽！特別係做學生！
堅適服！如果無埋d蚊就真係一流！
所以都係大海好D~

inception, 我知係好戲, 但係我堅攰...
出碟再睇返...

非常好, 今日要重新向大海出發.
8月尾至9月頭, 所有章都要煞科!!
繼而9月中至10月學潛水!! 有興趣可以一齊學, 不過好貴！
要用水肺果d ar, 唔係浮潛!!

來緊浪茄 again !!
到底...燒烤叉+ 蛙鞋可唔可以叉到魚上黎呢？哈哈~
我估唔得, 但係條魚係面前游過, 點先可以捉到佢呢？落漁網？何來的漁網呢？
(Sorry咁多位現代人, 今次非現代活動, 變了私人派對, 所以 cancel 左 event!!)

仲有 !! 六神分體尚未成功，肚皮仍雖努力！未解決！

散熱系統痴Q左線

2010-08-02T16:32:10+08:00

呢幾日都唔知做乜, 晚晚都勁精神 lor... 真係可以唔使訓 =. =
尋晚打完波, 明明攰到嘔白泡, 都要眼光光等天光
每次做完運動, 特別係夏天, 身體入面好似有團火咁,
當晚就會慢慢咁散 d 熱出來, 但散極都散唔完 = . =
攪到我超級精神, 開冷氣 + 吹風扇先訓左...3 粒鐘！
我都覺得自己超強！但而家好眼訓...

返左呢份工, 原來天地真係有正氣 ga !!
粗口都講少左勁多. 不過對住柒峰真係唔講唔得. 唔小唔識大.

夜晚練水, 燒下 d energy~ o拿o拿聲考齊 d 牌先~~~

原來電腦佔了我很多時間

2010-07-28T05:46:02+08:00

新買來的電腦, 入面張 Asus 5870 壞左啦~
拎左去換一張新, 但係未咁快有貨, 又無電腦用啦~ 因為舊果部日日比呀妹霸住.
而家都係日日返工啦, 工作都幾充實但又唔係太忙 wor~ 唔錯！
滿足令我有少少懶散的感覺, 返去好玩, 但又唔想做野, 哈哈！
想有多 d 活動, 但又唔想做 d 文書工作. 真係唔流汗唔舒服的辛苦命.
返左明愛之後, 個人堅係正氣左！好事都做多左, 衰野做少左

有好多碎事要做, 但成日唔記得, 雖然head lee 唔鬧, 但真係唔係幾好意思 =.=
一路做一路學啦, 好多人叫我想讀書就今年開始啦, 不過呢...
一來, 我唔係咁想讀書啦, 太悶啦, 無心機讀.
二來, 報名都遲左啦.
前日見到 Jimmy and his 老豆, 佢叫我快 d 考, 一言驚醒夢中人！
不過就算出年先考, 我都有信心可以 pass, 我仲未夠 fit, 要 fit 到漏油果隻！
哈哈, 我乜都易滿足, 不過對體能就好執著, 鬼叫周圍 d 人都大隻過我咁多...

好想快 d 玩返 2K10 & GTA4 , 日日返到黎屋企真係好無聊 lor~
d 人問我, 張 5870 買黎做乜...
我純粹過下癮咋, 年輕人 ma, 比我錯一次啦, 但我又真係好開心買到 wor !!
加上又玩開電腦ge, 有條件之下買一般機的話, 我唔會心死ga!!
其實我確實唔玩 d 要煲好耐 ge game, 但係 2k10 & GTA & PES 對顯卡都要求好高呢~
得閒純粹過下癮, 入去 GTA 搶下車, 打下交都唔錯 ar~
我而家精神到可以 5 am 起身睇電視 = . =
因為我返到黎都無野可以做, 電視又無得睇, 舊電腦用電視做mon...
如果我 ge 生命無左電腦, 時間真係多左好好好好好好多...

新電腦 Asus HD5870

2010-07-15T21:54:49+08:00

而家日日返工, 係屋企用電腦的機會都少左.
加上之前部機 3 隻風扇輪流壞, 之後mon都埋壞, 於是拎出廳用電視當mon la, 點知又壞 SATA 線...吹脹...
我估之前係天氣太濕, 部機又有返咁上下耐, 所以輪住壞, 隻mon真係離奇...話壞就壞...而SATA就成日拆來拆去所致!
不過都打算舊果部放係廳 ga la, 睇片都唔錯 ga ! 電視夠大呀 ma ~ 又可以播 RMVB.
而且我房入面買左新電腦 XDDDDD 超勁超 happy !
不過買返黎都有段小插曲, 就係張 TV-card 係 Mygica RX750,
係我屋企收唔到高清台 lor !! 無用！之後行左 2 轉先換到第 2 張 Magic-pro 返來.
因為第 1 轉帶漏左野, 張 Magic-pro 用同一隻軟件 wor !! 但 d option 多好多!! 而且睇到高清啦!! happy again!!!
第一次玩 Windows7 , 都堅真係幾靚 ge!! 唔錯唔錯！
張 Display 買左 HD5870, 本來想買 HD5850,
但係 i7 860 唔抵玩, 將 intel 轉左 amd, M4A88TD + PHENOM II X6 1055T.
速度來講, 兩個組合都差唔多, 但係就平左 $1xxx
所以張卡由 5850 → 5870 XDDDDD 一流！
大致上就係咁啦~~~啦啦啦~~~
玩facebook d game 唔使再 lag la~

返工方面, 暫時都無乜野做, 但係 8 月就開始忙啦 !!
因為好多暑期活動呀~ 更加無時間玩電腦...
中心夜晚比較少人, 爽 !! 仲可以打 blog tim!!
返工堅 happy !! 好多一日, 眨眼一星期~ yo~

青衣 ge 朋友, 快 d 來長康明愛做會員啦~
25號之前免費入會呀！入左會先可以 join 活動 ga~

又到放榜 lu~

2010-07-01T12:08:40+08:00

6月30日 F7 放榜日.
沒什麼太大的感想, 明知死硬, 也沒意外發生, 一必盡在掌握之中. 哈哈~
滿缸紅的真諦！

路是死的, 人是生的. 我而家日日都很忙, 但快活過讀書果陣好多倍~
有一份很開心的工作, 凡事都是剛剛起步, 大家又何必擔心前途問題呢, 最緊要現在先定立一個大方向.
就好似我, 現在正朝著社福界進發, 升職加人工？不用太早去想, 總有機會, 現在夠用就好.
未試過返工可以咁開心, 又做到自己喜歡做的事.
就算被你現在想好了條精打細算的路, 也未必是你必走的路. 只不過是算草紙上的答案.
二十出頭, 精力充足, 放了工去學拯溺, 難得是工作上許可我學!! 十分高興~
獨樂樂, 不如眾樂樂. 以前考救生章是自己的事, 現在是一班人去玩的感覺, 同埋 fit 到漏油!!

讀書讀得好的人, 是會認真的了解書本所說的東西, 有興趣去探求, 不是純粹為成績的,
當然, 有了求知心, 成績也不會差的, 但是問我沒有 = . =
每次都是臨急抱佛腳, 你叫我入去副學士, HD 識女仔還好, 讀書!? 哈哈!!

各位朋友們, 加油啦~
唔讀書唔會死, 讀左都唔會升仙. 2~3年時間話長唔長 ga!!
我寧願早 d 去自己鐘意 ge 路打滾啦.
但我都希望你地讀到, 因為你地無我咁大隻!!! 哈哈哈~~~

I am 謝Sir

2010-06-18T23:23:17+08:00

今天第一天去到長康工作, 第一天的工作沒想像中吃力,
我主要是負責 I.T. support , 有事就看看各電腦的健康狀況開正我果飯!!
遲 d 仲要整理 server , 駁cable, 裝閉露, 哈哈！感得幾好玩, 我不怕, 但我驚唔識裝 XD
再者, 就是負責帶活動, 我的職位是活動工作員 Program Worker !!
活動有好多, 數都數唔晒！有興趣的快來長康入會！
由於現時尚在裝修期間, 所有人免費入會, 入會後就可以享用中心設施及參與可能有我份的活動
而帶隊的職員職稱都會升級做呀 sir. 感覺良好！
之前一直用開的 AARON 改為 ALLEN !!
AARON 係香港太出名, 唔想用. ALLEN 都係倫的象徵！
可能會話 Ray Allen 近排紅！所以叫 Allen , 但仲有 AI3 , TONY ALLEN...
無限個 ALLEN , 都係自己喜歡啦, 沒特別意思. 只是譯音似 lor~

Lakers !! Finals~ Win !!!
勁呀！勁呀！！勁呀！！！
塞軍都好勁！其實我事前覺得胡人有機會輸, 因為綠兵個陣真係太完美...
不過天意如此... Artest 都 2x 分... Gasol 又爆板, 雖然Kobe 收左x. 但 Fisher 唔差~

再來又是一個過渡期

2010-06-12T15:02:18+08:00

未到放榜我已經決定左唔會再升學啦 !!
係社會滾一年再睇下點啦. 讀書的興趣已降至 0%.

之前係 office 到做, 所謂的辦公室助理.
做了 3 個星期, 今日唔做 lu~
工作的性質是幫銀行追數, 都唔難, 幾輕鬆, 唔係爛仔數, 銀行數, d 人算有禮貌啦,
d 同事每位都很 man, 粗口橫飛, 都岩咀形ge, 唯一唔同係我唔食煙.
你話份工差咩, 如果因為差而永遠唔接觸, 會睇少好多野 ga,
無人叫你長做, 當見識多d la, 是問又有幾多個人敢去見識. 雖然我都係誤打誤撞.
不過為左前途和 $ 途著想, 都係無做落去. 又有人請我, 哈哈, 如果唔係都打算滾佢幾個月,
但如果日後要考紀律部隊的話, 怕人格審查過唔到.見識完就走 lu~ haha.

來緊會轉第二份工, 去社區中心做職員.
呢份工比人 ge 感覺正面好多, 服務一下大眾咁 lor~
雖然人工和福利唔夠警察多, 但汲經啦!! 絕對有幫助啦瓜!!
未開工, 唔知做 d 乜, 希望係好玩又學到野啦.

銅章應該無問題 ga la. 等緊 pass,
但之後果 d 章為興趣而考啦, 唔係為搵食而考 lu~
純粹挑戰自己, 有人跌左落水都唔使死呀 ma.